БИШКЕК, 1-сен. — Sputnik. Ош — Баткен — Исфана жолунда жол кырсыгына кабылган май ташуучу унаанын 38 тонна 829 литр бензини толугу менен күйүп кеткен. Бул тууралуу ӨКМ билдирди.
Эске сала кетсек, кечээ, 31-август күнү Ош — Баткен — Исфана унаа жолунун 161-чакырымында МАN үлгусүндөгү май ташуучу унаанын алдыңкы дөңгөлөгү жарылып, бордюрду сүзүп алган.
"Жолдон чыгып кеткен май ташуучуу унаа бордюрду сүзүп, жалын тутанган. Жол кырсыгынан бензин "Р-4" каналына төгүлүп, күйүп кеткен", — деп айтылат маалыматта.
Кырсыктан айдоочу жабыркаган эмес.
